Өз рационыңызда қанша зиянды тағам бар екенін ойланып көрдіңіз бе? Иә, міндетті түрде. Әрине, сіз бүгінгі күні көптеген тағамдарды зиянды деп атауға болады деген қорытындыға келген боларсыз. Алайда олардың арасында, егер сізге денсаулық қымбат болса, пайдалануды күрт азайтуға тұрарлық аса қауіпті өнімдер тобы бар.
Украиналық және ресейлік тамақтану ҒЗИ-ның, сондай-ақ Экогигиена және токсикология институтының зерттеулерінің нәтижелері бойынша ең зиянды және қауіпті 10 өнім анықталды. Олардың денсаулыққа қаншалықты қауіпті екенін талқылап көрейік.
Алкоголь
Алкогольдің зияны туралы бәрі біледі. Бұл жүйке жүйесіне теріс әсерін тигізеді және ұзақ уақыт қолданған кезде бірқатар ауыр ауруларды тудырады. Құрамында спирті бар сусындарды аз мөлшерде сирек қолданған кезде, оның ағзаға тигізетін зиянды әсері азаяды.
Газдалған су
Барлық газдалған судың құрамында көптеген түрлі хош иістендіргіштер, бояғыштар, тәттілендіргіштер мен қоспалар бар. Құрамында қант жоқ сусындар ерекше қауіпті, себебі оларда E951 немесе аспартам деп аталатын тағамдық қоспа пайдаланады.
Аспартамның қаупі — оны ағза өңдеген кезде, оның құрамынан формальдегид бөлінеді. Ол өз кезегінде көру органдарына, тыныс алу және репродуктивті органдарға әсерін тигізетін күшті у болып табылады. Сонымен қатар, аспартам тәбетті айтарлықтай арттырады.
Сағыз
Оның құрамында да «аспартам» тағамдық қоспасы бар. Сонымен қатар, сағыздың құрамы синтетикалық полимерлік негізіне қосылатын химиялық элементтердің үлкен тізімін қамтиды. Сондай-ақ, сағыздың құрамында бәрімізге танымал сорбит бар. Оның тістерді қорғайтыны рас, алайда сонымен бірге гастрит пен жараның дамуына әкеледі.
Өнеркәсіптік өндірістің барлық тәттілері
Ең алдымен, тәттілер — бұл біздің денемізде май түрінде сақталатын қарапайым көмірсулардың көзі болып табылады. Алайда ең басты мәселе ол емес. Ешқандай тәтті айналып өте алмайтын әртүрлі қоспалар ауыр зиян келтіреді. Көптеген тәттілердің құрамында транс майлардың көзі болып табылатын маргарин де бар. Ол туралы, келесі тармақта айтып өтеміз.
Маргарин
Дәл осы өнім транс майлардың негізгі көзі болып табылады. Соңғы зерттеулердің нәтижелері бойынша олар бірқатар ауруларды тудырады, олардың арасында:
• Диабет.
• Инфаркт.
• Жүректің ишемиялық ауруы.
• Бауыр аурулары.
• Онкологиялық аурулар.
• Альцгеймер ауруы.
Шұжық
Дәл осы бәрінің сүйікті өнімі ең зиянды он өнімнің қатарына кіреді. Шұжық өндірісінде қолданылатын МЕМСТ және техникалық шарттар әртүрлі қоспалар мен консерванттардың үлкен тізімін қолдануға рұқсат береді. Мұны барлық өндірушілер пайдаланады. Заманауи шұжық өнімі ет өндірісінің қалдықтарынан және көптеген қоспалардан тұрады.
Ысталған өнімдер
Дүкеннен табуға болатын ысталған ет немесе балық химиялық өңдеу жолымен жасалады. Ол үшін әдетте «сұйық түтін» қолданылады. Көптеген зерттеулердің нәтижелері бойынша, «сұйық түтін» генетикалық қауіпті өнім ретінде танылды. Бұл адам генетикасына теріс әсерін тигізеді, бұл болашақ ұрпақтың денсаулығында елеулі проблемалар тудыруы мүмкін.
Фаст-фуд
Дұрыс дайындалған фаст — фуд денеге тек зиян тигізеді. Бірақ егер оны дайындау үшін өте жиі кездесетін пайдаланылған май қолданылса, ол денсаулыққа өте қауіпті болады. Майда қалған тағам бөліктері канцерогендер бөліп шығарады. Олар өз кезегінде қыжылға, гастритке, ойық жараға және тіпті онкологиялық ауруларға әкеледі.
Майонез
Заманауи майонез — бұл жұмыртқа ұнтағы, құрғақ сүт, қант, тұз, сірке суы және негізгі ингредиент — пальма майынан тұрады. Әрине, осының барлығы зиянды қоспалармен хош иістендірілген. Майонезді жиі тұтыну жүрек-қан тамырлары ауруларының дамуына, жасушалардың бұзылуына және атеросклероздың дамуына әкеледі.
Дүкендегі йогурттар
Біз йогурттың сөзсіз пайдасы туралы айтатын жарнамаларға үйреніп қалдық. Бірақ бұл біздің дүкен сөрелерінен көріп жүргендерге қатысы жоқ. Дүкендегі йогурттарда тірі бактериялар жоқ, бірақ бояғыштар, консерванттар, қоюландырғыштар, хош иістендіргіштер және ағзамен сіңірілмейтін пальма майы бар. Мұндай өнімнің зияны айқын.
Денсаулығыңыз мықты болуын қалайсыз ба? Олай болса, бұл тағамдарды әр түрлі күндерде және аз мөлшерде қабылдауға тырысыңыз, және ең дұрысы оларды өз рационыңыздан алып тастаңыз. Салауатты және табиғи тағамдарды жеп, деніңіз сау болыңыз.