Үнемі жас және балғын көрінгіңіз келеді, алайда толыққанды демалып, дұрыс тамақтану мүмкін болмайды ма? Сізге сұлулық диетасы көмектесе алады. Бұл тамақтану жүйесі терінің күйін жақсартуға, шаш пен тырнақты нығайтуға, сонымен қатар салмақ тастауға арналған.
Сұлулық диетасының рационы ағзаның тазаруына және оны барлық пайдалы заттармен қанықтыруға көмектеседі. Осының арқасында ағзаның жалпы жасару орын алады. Мұндай диетаны жылдың кез келген уақытында сақтауға болады, алайда ол дәрумен тапшылығы кезеңінде аса пайдалы болады.
Сұлулық диетасының негіздері
Бұл тамақтану жүйесі міндетті түрде орындалуы тиіс бірқатар ережелерді қамтиды.
• Диета кезінде рационнан қантты толығымен алып тастаңыз. Оның кез-келген алмастырғыштарына да тыйым салынады.
• Тұздың тұтыну мөлшерін қажетті минимумға дейін шектеңіз. Тамаққа аз тұз салуға тырысыңыз.
• Күніне кемінде 1,5 литр су ішіңіз. Бұл мөлшерге тек таза су кіреді, басқасы есепке алынбайды.
• Әр түрлі шөптерден жасалған қайнатпалар ішіңіз. Дәріханадан терінің жай-күйін жақсартуға, тамырларды нығайту және т.б. арналған шөп жинаған сатып алуға болады.
• Ас мәзіріңізге түрлі түсті көкөністер мен жемістерді қосыңыз.
Бұл диетаның екі нұсқасы бар. Біріншісі 3–5 күнге арналған. Осы уақыт ішінде сіз 1 кг артық салмақтан арылуға және ағзаның жұмысын жақсартуға болады. Дегенмен, жақсы жасартқыш әсеріне үміт артпаңыз. Екінші нұсқа ұзағырақ — 7–30 күнге созылады. Осы уақыт ішінде 3–5 кг салмақ тастап, айтарлықтай жасартқыш әсерге қол жеткізе аласыз.
3–5 күндік диета мәзірі
• Таңғы ас: Кез-келген жемістің 100 мл жаңа сығылған шырыны немесе 100 гр. жидек, бір қайнатылған жұмыртқа немесе бір тілім ірімшік, майсыз ветчинаның кішкене бөлігі, кебектен жасалған нанның бір тілімі, бір кесе табиғи кофе немесе шай.
• Екінші таңғы ас: бір тілім кебектан жасалған нан, бір пісірілген жұмыртқа, алма немесе апельсин (кез келген цитрус жемісімен алмастыруға болады), зәйтүн майы қосылған көкөніс салаты, бір стақан майсыз айран немесе қатық.
• Түскі ас: зәйтүн майы қосылған көкөніс салаты, 150–200 гр. тауықтың төс еті немесе майсыз ет.
• Бесіндік: бірнеше жеміс.
• Кешкі ас: 250 мл айран немесе жылы сүт.
7–30 күндік диета мәзірі
• Таңғы ас: кептірілген жемістер қосып, суда пісірілген сұлы ботқасы. Мюсли және жылдам әзірленетін ботқалар емес, сұлы жармасын пайдалану маңызды. Бір стақан жеміс немесе көкөніс шырыны, 250 мл итмұрын қайнатпасы.
• Түскі асқа дейін жарты сағат бұрын: жарты кесе сәбіз және жарты кесе апельсин шырынын араластырыңыз, бір қасық табиғи бал қосып, дайын болған сусынды бірден ішіңіз.
• Түскі ас: зәйтүн майы қосылған жасыл жемістері бар көкөністен жасалған салат. Түрлі-түсті көкөністерден жасалған сорпа. 150–200 гр. майсыз ет немесе балық.
• Кешкі ас: 200 гр. тауықтың төс еті немесе майсыз сүзбе, жемістерден жасалған салат, құрма немесе інжір — 1–2 дана.
Тамақ арасында өзіңіз таңдаған шөптер жинағынан жасалған бір стақан қайнатпа ішуге тырысыңыз.
Диета аяқталғаннан кейін не істеу керек?
Диета аяқталғаннан кейінгі алғашқы бірнеше күн тәттілерді, аса майлы тағамдарды және әртүрлі ысталған өнімдерді тұтынбаңыз. Ағзаңызға тамақпен ауыр жүк түсірмеңіз. Қол жеткізілген нәтижелерді сақтау үшін толыққанды және жүйелі түрде тамақтануға тырысыңыз.
Бұл диета кез–келген жастағы адамдарға жарамды. Тек ауыр науқасты адамдарға ғана шектеу қойылады. Сондықтан, егер сіздің денсаулығыңыз жақсы болса, онда сіз денеңізді қауіпсіз түрде жасарта аласыз. Бір аптадан кейін сіз айнадан оң өзгерістерді көресіз және өзіңізді әлдеқайда жақсы сезінесіз.